У Польшчы шукаюць хлопчыка, які мог прыехаць на фуры з Беларусі

У Польшчы шукаюць невядомага хлопчыка, які мог прыехаць на фуры з Беларусі. Як інфармуе сайт podlasie24.pl, здарэнне адбылося пад Люблінам. Кіроўца заўважыў, што ў фуры ў спальным адсеку пад коўдрай едзе хлопчык, якому на выгляд было гадоў 10. У паліцыю ён яго адвезці не паспеў — дзіця ўцякло. Хлопчык быў апрануты ў цёмную вопратку.

Польская паліцыя ў памежных з Беларуссю ваяводствах ведае, што на беларускім баку мяжы шукаюць зніклага 16 верасня 10-гадовага Максіма Мархалюка. Праваахоўнікі паказалі кіроўцы фота беларуса, але ён яго не апазнаў. Па словах мужчыны, хлопец быў смуглы. Паліцыя аднак вядзе пошук невядомага хлопчыка.