У мінскай кавярні мужчына за 100 долараў спрабаваў “купіць” жанчыну

У адной з кавярняў Цэнтральнага раёна Мінска адбылася бойка. 45-гадовы мужчына, які адпачываў са знаёмымі, падышоў да століка, за якім сядзелі мужчына і жанчына, і паклаў на яго 100 долараў. Як інфармуе афіцыйная прадстаўніца Цэнтральнага РУУС сталіцы Таццяна Абозная, “непрыстойная прапанова” і стала прычынай канфлікту, а пасля і бойкі паміж мужчынамі. Зламысніка затрымала міліцыя. У яго адносінах распачалі крымінальную справу па артыкуле “Хуліганства”.