Стала вядома, чаму праваліўся тратуар у Пінску

Тратуар на вуліцы Першамайскай у Пінску парваліўся з прычыны прарыву калектара. Пра гэта парталу tut.by распавялі ў "Пінскводаканале".

Труба дыяметрам каля метра залягала на глыбіні шасці метраў. Калі яе разарвала, пад тратуарам утварылася прамоіна, а грунт знесла ў пашкоджаны калектар. Прычынай аварыі называецца знос трубы, усталяванай больш за 40 гадоў таму.

Цяпер на месцы аварыі ідуць рамонтныя работы. Іх аб'ём даволі вялікі, таму час іх завяршэння назваць складана. Паводле ацэнкі спецыялістаў, на рамонт спатрэбіцца не менш за 10 дзён.

У "Пінскводаканале" кажуць, што аварыйна-будаўнічыя работы вядуцца з улікам інтарэсаў жыхароў прылеглых дамоў. Да месца абрыву падключылі абводны насос, ён пераганяе сцёкавыя вады ў іншы калектар.

Як паведамляла Еўрарадыё, здарэнне адбылося ўдзень 25 лістапада. Ніхто з людзей пры інцыдэнце не пацярпеў.