Па ўсёй Беларусі ідзе “паляванне” на аўтамабілі “Таёта”

Па ўсёй Беларусі ідзе “паляванне” на аўтамабілі “Таёта”. Праваахоўнікі спасылаюцца на статыстыку: за апошнія месяцы па ўсёй краіне скралі 15 такіх машын. Сярод лідараў — Віцебская, Мінская, Магілёўская і Гомельская вобласці.

Як інфармуе афіцыйны прадстаўнік УУС Гродзенскага аблвыканкама Яраслаў Васілеўскі, зламыснікаў цікавяць як японскія пазадарожнікі, так і седаны “ўзростам” да дзесяці гадоў. Найхутчэй перахопліваецца радыёсігнал ад чып-ключа (прычым, яго могуць “счытаць”, нават калі ён проста ляжыць на стале ці ў кішэні ўладальніка аўтамабіля). Праваахоўнікі раяць выкарыстоўваць блакіратары руля і каробкі перадач. Ну а самы лепшы варыянт — стаянка пад аховай.

Мяркуецца, што скрадзеныя аўтамабілі перапраўляюць за мяжу.