На выходныя ў Беларусі абвясцілі аранжавы ўзровень небяспекі — будзе моцны вецер

На 23-24 снежня ў Беларусі сіноптыкі абвясцілі аранжавы ўзровень небяспекі. Прычына — моцны вецер, інфармуе БЕЛТА са спасылкай на Рэспубліканскі цэнтр па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.

Удзень у суботу па паўночна-заходняй частцы краіны і на працягу сутак у нядзелю, 24 снежня, на большай частцы тэрыторыі краіны прагназуецца ўзмацненне ветру парывамі да 15-20 метраў за секунду. 

У пятніцу, 22 снежня, чакаецца воблачнае з праясненнямі надвор'е. На большай частцы тэрыторыі краіны пройдзе снег, мокры снег, па захадзе — з дажджом. Месцамі чакаюцца слабыя туман і галалёд. На асобных участках дарог магчымая галалёдзіца. Вецер будзе паўднёвы з пераходам на паўночна-заходні 5-10 метраў за секунду. 

Уначы ў пятніцуслупок тэрмометра будзе паказваць ад нуля да -5 градусаў, па ўсходзе пры праясненнях — 6-8 градусаў са знакам "імнус". Удзень будзе ад 3 градусаў марозу да 3 градусаў цяпла.