Памерла адна з жанчын, што атруціліся таксічнай вадкасцю на заводзе ў Барысаве

Памерла адна з жанчын, што атруціліся таксічнай вадкасцю на прадпрыемстве ў Барысаве. Як нагадвае БЕЛТА, здарэнне адбылося ўдзень 14 кастрычніка 2017 года на мясцовым прадпрыемтсве, якое займаецца вытворчасцю прадуктаў з рыбы. У той дзень у лякарню трапілі некалькі жанчын з хімічнымі апёкамі рознай ступені.

Высветлілася, што напярэдадні яны спажывалі невядомую вадкасць, пасля чаго адчулі сябе блага і звярнуліся па медыцынскую дапамогу. Тры жанчыны трапілі ў рэанімацыю ў вельмі цяжкім стане. Адна з жанчын памерла.

Следчы камітэт праводзіць расследаванне па факце гэтага здарэння — прызначаныя экспертызы і лабараторныя даследаванні. Па іх выніках будзе прынятае працэсуальнае рашэнне.