П'яны пасажыр з нажом зладзіў пярэпалах у маршрутцы "Мінск-Салігорск"
21.02.2018 17:02
—
Разное
|
Фота: uvd-mo.gov.by П'яны пасажыр з нажом стаў прычынай пярэпалаху ў маршрутцы "Мінск-Салігорск". Здарэнне адбылося каля поўдня на слуцкай трасе бліз вёскі Гацук, паведамляе У міліцыю затэлефанавала пасажырка маршруткі і распавяла, што нецвярозы мужчына нечакана падняўся са свайго месца, пайшоў да кіроўцы і навіс над ім з нажом у руцэ. Да гэтага моманту мужчына спакойна сядзеў на сваім месцы і не прыцягваў да сябе ўвагі. Праз прыкладна дзесяць хвілінаў пасля тэлефанавання інспектары ДАІ спынілі маршрутку і вывелі з яе неспакойнага пасажыра, забраўшы ў яго раскладны нож. Сам пасажыр не мог патлумачыць свае паводзіны. Кіроўца распавёў, што пасажыр падышоў да яго з нажом у руцэ, спрабаваў нешта сказаць, але толькі няўцямна мармытаць. Выявілася, што эксцэнтрычным пасажырам быў 53-гадовы жыхар Салігорскага раёна. У маршрутку ён сеў у Мінску ўжо нападпітку, а ў дарогу ўзяў яшчэ бутэльку. Седзячы на сваім месцы, ён паціху выпіваў. У нейкі момант мужчына заўважыў у вуху кіроўцы тэлефонную гарнітуру і пачуў, што той з кімсьці размаўляе. Пасажыру прыйшло на розум, што кіроўца абмяркоўвае з кімсьці план абрабавання пасажыраў. Каб прадухіліць "злачынства", ён ціхенька дастаў нож, падышоў з ім да кіроўцы і паспрабаваў сказаць яму, каб той нідзе не спыняўся і ехаў адразу ў міліцыю. Але ў самы адказны момант ён нічога не змог вымавіць — віной таму былі, мабыць, эмацыйнае напружанне і два праміле алкаголю ў крыві. На пасажыра склалі адміністрацыйны пратакол за распіццё алкагольных напояў у грамадскіх месцах. Матэрыял праверкі накіраваны таксама для прававой ацэнкі ў Слуцкі райаддзел Следчага камітэта. Сам мужчына бліжэйшыя некалькі дзён правядзе ў ізалятары часовага ўтрымання Слуцкага РАУС. Чтобы разместить новость на сайте или в блоге скопируйте код:
На вашем ресурсе это будет выглядеть так
Фота: uvd-mo.gov.by П'яны пасажыр з нажом стаў прычынай пярэпалаху ў маршрутцы "Мінск-Салігорск". Здарэнне адбылося каля поўдня на слуцкай трасе бліз вёскі Гацук,...
|
|