У Нямеччыне фургон заехаў у натоўп. Чатыры чалавекі загінулі, 30 пацярпелі

У горадзе Мюнстэр на захадзе Германіі аўтамабіль заехаў у натоўп. Паводле мясцовых СМІ, фургон наехаў на людзей, якія сядзелі ў кавярні "Grosser Kiepenkerl" за столікамі на вулічнай тэрасе. Гэта пацвярджаюць і першыя фота з месца здарэння.

У выніку наезду загінулі чатыры чалавекі, у тым ліку меркаваны злачынца. Паліцыя горада паведамляе, што кіроўца фургона застрэліўся.

Яшчэ каля 30 чалавек пацярпелі. Шасцёра з іх — у крытычным стане.

Паліцыя расследуе інцыдэнт як напад. Пакуль што ён не класіфікаваны як тэракт. Таксама ў паліцыі паведамілі, што больш не шукаюць падазраваных у сувязі са здарэннем.