Нямецкая паліцыя пра інцыдэнт у Мюнстэры: тэрарыстычнага следу няма
08.04.2018 18:40
—
Разное
|
Фота: AFP У інцыдэнце ў Мюнстэры няма тэрарыстычнага следу. Такую заяву зрабіў міністр унутраных справаў Нямеччыны Хорст Зеехофер. Яго цытуюць замежныя СМІ. Паводле Зеехофера, мужчына, які ўехаў на фургоне ў групу людзей, не меў сувязяў з тэрарыстамі і дзейнічаў адзін. Сувязяў нападу з палітыкай паліцыя таксама не знайшла, але ў той самы час праваахоўнікі раней сутыкаліся з гэтым кіроўцам. Як заявіла пракурор Эльке Адамеіт, 49-гадовы мужчына быў фігурантам чатырох судовых працэсаў — яго прыцягвалі да адказнасці ў сувязі з пагрозамі, псаваннем маёмасці, махлярствам і ўцёкамі з месца ДТЗ. Усе чатыры разы суд здымаў абвінавачанні. Нямецкія СМІ паведамляюць, што мужчына працаваў прамысловым дызайнерам і меў псіхічнае разладжанне. Гэту інфармацыю паліцыя пакуль не пацвярджае і працягвае расследаванне справы. Інцыдэнт здарыўся ў другой палове дня 7 красавіка. Фургон “Фольксваген” уехаў у групу людзей, якія сядзелі за столікамі ля папулярнай кавярні Grosser Kiepenkerl у цэнтры Мюнстэра. Двое наведнікаў кавярні загінулі, 20 чалавек траўмаваныя. Кіроўца здзейсніў суіцыд, не выходзячы з машыны. Чтобы разместить новость на сайте или в блоге скопируйте код:
На вашем ресурсе это будет выглядеть так
Фота: AFP У інцыдэнце ў Мюнстэры няма тэрарыстычнага следу. Такую заяву зрабіў міністр унутраных справаў Нямеччыны Хорст Зеехофер. Яго цытуюць замежныя СМІ....
|
|