У Жабінкаўскай дзіцячай бібліятэцы адбылося свята “Читающее королевство” - фото

Источник материала:

4 красавіка бягучага года ў Жабінкаўскай дзіцячай бібліятэцы адбылося свята “Читающее королевство”, прымеркаванае да Міжнароднага Дня дзіцячай кнігі. У рамках  мерапрыемства да дзесяцікласнікаў СШ № 1 завіталі пісьменнікі Брэсцкага абласнога аддзялення Саюза пісьменнікаў Беларусі.

Старшыня творчай суполкі Таццяна Дземідовіч пазнаёміла прысутных з дзейнасцю пісьменніцкай арганізацыі, расказала пра кніжныя навінкі, цікавыя літаратурныя мерапрыемствы.

Берасцейскі паэт, заслужаны журналіст Беларускага саюза журналістаў, таленавіты грамадскі кіраўнік Георгій Тамашэвіч расказаў старшакласнікам, што паўплывала на яго пры выбары прафесіі, жыццёвых прыярытэтаў. Гэта – цікавасць да жыцця, любоў да роднага куточка, пільная ўвага да значных падзей у краіне і свеце. Менавіта якасці творчай натуры натхняюць яго душу, не пакідаюць раўнадушным, прымушаюць пісаць і па сёняшні дзень.

Затым Георгій Сцяпанавіч прачытаў вершы, прысвечаныя трагічным падзеям Вялікай Айчынай вайны, ствяткаванню 500-годдзя беларускага кнігадруквання, Брэсту, які хутка адзначыць сваё 1000-годдзе.

Уважліва і з вялікай цікавасцю слухалі вучні шчырага прамоўцу, славутага творцу.

Так па-незвычайнаму плённа і даволі хутка праляцеў для старшакласнікаў урок у Дзіцячай бібліятэцы роднай Жабінкі. 

Прэс-служба Брэсцкага абласнога аддзялення СПБ