У парку на палатку для гандлю ўпала вялікая галіна дрэва, пацярпела школьніца

У Брэсце ў парку культуры і адпачынку на палатку для гандлю і пешаходную дарожку ўпала вялікая галіна дрэва, пацярпела школьніца. Як інфармуе прэс-служба МНС, дзяўчынка (2007 года нараджэння) атрымала траўмы. У парку, дзе праходзілі мерапрыемствы, прысвечаныя Дню Перамогі, дзяжурыла "хуткая". Пацярпелую адвезлі ў абласную бальніцу, яна знаходзіцца ў рэанімацыі.

Сайт virtualbrest.by дадае, што дзіця разам з бацькамі і іншымі людзьмі хавалася ў палатцы ад моцнага ветру і дажджу.

9 траўня ў Брэсце быў моцны вецер, які ламаў дрэвы. Падрабязна пра гэта гл. тут.