Асіповічы: хроніка здарэнняў

Источник материала:

РАУС

З 9 па 15 ліпеня ў ходзе СП “Мак” на прысядзібных участках знішчана адпаведна 0,5 і 4,1 кг дзікарослых маку і канопляў; 7 чалавек прыцягнуты да адміністрацыйнай адказнасці. Паступіла паведамленне аб тым, што паблізу п. Сасновы выкапана з зямлі і выкрадзена 252 м кабелю ТМБ-4. З кватэры пенсіянеркі зніклі залатыя вырабы коштам 1008 руб. 12 чысла ў бальніцу дастаўлены 2 нецвярозыя непрацуючыя асіпаўчаніна, якія нанеслі адзін аднаму цялесныя пашкоджанні нажом падчас бойкі.

РАСК

Крымінальная справа ўзбуджана па факце крадзяжу з не абсталяванага ахоўнай сігналізацыяй аўтамабіля, 3 — у дачыненні да раней судзімага 20-гадовага асіпаўчаніна, які ўцягнуў непаўналетняга ў здзяйсненне падобных крадзяжоў.

Жыхар Расіі 10 чысла ў в. Чучча пагражаў забойствам нажом пенсіянерцы з Ялізава.

Непрацуючы раней судзімы жыхар Глуска ў кватэры па вул. Сумчанкі парэзаў нажом свайго земляка.

13 ліпеня ў 16 гадзін у кватэры дома па вул. Чарняхоўскага знойдзены труп 51-гадовай гаспадыні, смерць якой, згодна з экспертызай, наступіла ў выніку атрыманых цялесных пашкоджанняў. Следча-аператыўнай групай устаноўлена, што 6 чысла падчас сваркі пасля сумеснага распіцця алкаголю да-дзеныя пашкоджанні прычыніў жанчыне 29-гадовы несудзімы асіпаўчанін. Ён затрыманы, узбуджана крымінальная справа.

ДАI

Адбылося 2 ДТЗ. Папярэджана 58 парушэнняў ПДР, прыцягнуты да адказнасці 6 “бяспраўнікаў”, 16 пешаходаў і веласіпедыстаў. Падчас прафілактычнай акцыі “Дзіця — галоўны пасажыр!” пакарана 15 вадзіцеляў, якія перавозілі дзяцей без выкарыстання рамянёў бяспекi і дзіцячых утрымліваючых сістэм.

IАЖіРС

Складзены пратакол за парушэнне правілаў рыбалоўства, 3 — лесакарыстання.