З АПЕРАТЫЎНЫХ ЗВОДАК ТЫДНЯ

«Яблыкамі па лабавым шкле», «П’яны непаўналетні», «Бойка сярод дня», «Апёкі ў малыша»…

Апёкі ў малыша

20 жніўня ў прыёмны пакой Ганцавіцкай ЦРБ з апёкамі цела быў дастаўлены хлопчык 2017 года нараджэння. Праверку праводзіць РАУС.

Бойка сярод дня

21 жніўня ў міліцыю паступіла паведамленне жыхара Дзяніскавіч аб тым, што па завулку Гогаля ў райцэнтры жанчыну б’е мужчына. Праверку праводзіць РАУС.

«Картачны» злодзей

23 жніўня па матэрыяле Ганцавіцкага РАУС узбуджана крымінальная справа па ч. 2 арт. 212 КК РБ у адносінах да жыхара Люсіна.

21 ліпеня гэтага года мужчына, знаходзячыся ў магазіне аграгарадка і выкарыстоўваючы выкрадзеную картку ААТ «Белгазпрамбанк», заплаціў за тавар.

Сума ўкрадзеных грошай – 82 рублі 2 капейкі.

П’яны непаўналетні

26 жніўня ў 3 гадзіны 10 хвілін у Агарэвічах быў затрыманы непаўналетні 2002 года нараджэння ў стане алкагольнага ап’янення. Праверку праводзіць РАУС.

Яблыкамі па лабавым шкле

26 жніўня ў РАУС звярнуўся жыхар Ганцавіч М. Мужчына расказаў, што суседскія дзеці кідаліся яблыкамі. У выніку і пашкодзілі лабавое шкло аўтамабіля. Праверку праводзіць РАУС.

СВЯТЛАФОР ДАІ

За кіраванне транспартным сродкам у стане алкагольнага ап’янення затрыманы жыхар Баранавіч, які кіраваў асабістым аўтамабілем «Фольксваген», а таксама жыхар Люсіна. Апошні быў нецвярозым за рулём матацыкла.

Зводкі чытала
Вікторыя ПРЫКОТА