Дзяўчына на "Маздзе" выехала на сустрэчную паласу, у ДТЗ загінула жанчына

17 верасня ў Воранаўскім раёне адбылося лабавое сутыкненне аўтамабіляў "Мазда" і "Рэно", якімі кіравалі жыхары Гродна. Як інфармуе прэс-служба УДАІ УУС Гродзенскага аблвыканкама, дзяўчына на "Маздзе" раптоўна выехала на паласу сустрэчнага руху. Пазней яна патлумачыць свае дзеянні тым, што яе асляпіла сонца. Кіроўца "Рэно", каб пазбегнуць сутыкнення, спрабаваў аб'ехаць "Мазду" па абочыне, але не паспеў.

У ДТЗ пацярпела сям'я, якая ехала ў "Рэно". Мужчына-кіроўца з траўмамі трапіў у хірургічнае аддзяленне бальніцы, яго жонку і 5-гадовага сына (яны ехалі на заднім сядзенні, хлопчык быў у бустэры) адвезлі ў рэанімацыю. Там праз дзве гадзіны жанчына памерла.

Распачатая крымінальная справа.