Страшнае ДТЗ пад Мінскам: матацыкл разарвала на часткі, матацыкліст загінуў

У Мінскім раёне ў жорсткім ДТЗ загінуў матацыкліст, паведамляе прэс-служба МУС.

Смяротная аўтааварыя здарылася 19 верасня ў 22.10 каля вёскі Слабодшчына. Паведамляецца, што матацыкліст не справіўся з кіраваннем, з'ехаў за дарогі і ўрэзаўся ў жалезабетонны слуп. 

Адзін з відавочцаў распавёў парталу tut.by, што ўдар быў такой сілы, што матацыкл разарвала напалам. Пасля гэтага ён загарэўся.

28-гадовы мінчук ад атрыманых траўмаў памёр на месцы здарэння.