Два чалавекі загінулі ў пажары ў магілёўскім інтэрнаце

Магілёўскі міжраённы аддзел Следчага камітэта высвятляе абставіны пажару, ад якога загінулі два чалавекі.
 
Пажар здарыўся ўдзень 2 кастрычніка ў жылым блоку аднаго з магілёўскіх інтэрнатаў. 

Падчас змагання з агнём ратавальнікі вынеслі з пакоя непрытомную 45-гадовую жанчыну. Медыкі спрабавалі рэанімаваць яе, але жанчына памерла. Яшчэ трох чалавек, пацярпелых ад агню, даставілі ў магілёўскія лякарні. Пасля ліквідацыі пажару ў адным з пакояў каля вакна ратавальнікі знайшлі цела мужчыны.
   
Цяпер следчыя высвятляюць асобу загінулага мужчыны, а таксама прычыну пажару. 

Следчы камітэт пачаў крымінальную справу за прычыненне смерці па неасцярожнасці дзвюм асобам.