У Столінскім раёне п'яная жанчына парэзала нажом сваю бабулю

У аграгарадку Верхні Церабяжоў Столінскага раёна п'яная жанчына парэзала нажом сваю бабулю. Як інфармуе "Беларусь сегодня", здарэнне адбылося ў аўторак. Жанчыны разам распівалі алкагольныя напоі, а пасля ўзнікла спрэчка. 32-гадовая ўнучка, якая нідзе не працуе і жыве з бабуляй, узялася за нож. 71-гадовую пацярпелую завезлі ў бальніцу ў Столін.

Распачатая крымінальная справа. Раненні, нанесеныя пенсіянерцы, ацэненыя, як цяжкія цялесныя пашкоджанні. Унучку затрымалі. Ёй пагражае да дзесяці гадоў пазбаўлення волі.