Кіроўца фургона, які насмерць збіў падлетка, атрымаў 2 гады пасялення

Кіроўца няспраўнага фургона, які ў снежні 2017 года насмерць збіў падлетка ў Мінску, атрымаў 2 гады калоніі ва ўмовах пасялення. Гэтая справа разглядалася ў Маскоўскім раённым судзе сталіцы, паведамляе прэс-служба Вярхоўнага суда. Следства вызначыла, што транспартны сродак быў няспраўны, а кіроўца рухаўся з перавышэннем хуткасці. Да таго ж кіроўца быў няўважлівы і паехаў праз пераход на чырвонае святло і там не саступіў пешаходу, які трапіў пад колы. Затым фургон выскачыў на сустрэчную, дзе сутыкнуўся з іншым фургонам.

Суд прызнаў кіраўніка вінаватым у парушэнні правілаў дарожнага руху, якое пацягнула за сабой па неасцярожнасці смерць чалавека. Апроч 2 гадоў пасялення яму прысудзілі забарону на пяць гадоў кіраваць усімі відамі транспартных сродкаў.

Аварыя адбылася ўдзень 11 снежня 2017 года на вуліцы Напалеона Орды. Пад колы фургона трапіў навучэнец 1 курса каледжа, які пераходзіў дарогу на святлафор. Праз пяць дзён пасля ДТЗ хлопец памёр у лякарні.