Аплаткавая сустрэча для ўдзельнікаў пешых пілігрымак адбудзецца ў Ваўкавыску

Источник материала:

5 студзеня пры парафіі Св. Вацлава ў Ваўкавыску адбудзецца аплаткавая сустрэча для ўдзельнікаў пешых пілігрымак з Ваўкавыска ў дыяцэзіяльны санктуарый Найсвяцейшай Панны Марыі Каралевы нашых сем’яў у Тракелях і дыяцэзіяльны санктуарый Пана Езуса Журботнага ў Росі.

На сустрэчу запрашаюцца тыя, хто ўдзельнічаў у гэтых пілігрымках у бягучым і мінулых гадах, а таксама тыя, хто хацеў бы і плануе здзейсніць такое паломніцтва.

У праграме будуць дзяленне аплаткай і вясёлы вечар, поўны радасці і забаваў, паведамляе Каталіцкі партал Гродзенскай дыяцэзіі.

Сустрэча пройдзе ў катэхетычным доме па адрасе: г. Ваўкавыск, вул. К. Маркса, 21. Пачатак а 16-й.