У Гродне мужчына хацеў пакатацца на грузавым цягніку і зваліўся праз кола

У Гродне мужчына хацеў пакатацца на грузавым цягніку і зваліўся праз кола. Здарэнне адбылося вечарам 3 студзеня на вакзале. Як інфармуе прэс-служба міліцыі Гродзенскай вобласці, цягнік чакаў сігналу для адпраўлення, а пасля пачаў павольна рухацца. У гэты момант мужчына і заскочыў на падножку аднаго з вагонаў. Але там ён не ўтрымаўся і зваліўся, у яго частковая ампутацыя галёнкі. Мужчына знаходзіцца ў рэанімацыі.

Міліцыя нагадвае, што за самавольны праезд на падножцы грузавога цягніка прадугледжана адміністрацыйная адказнасць — штраф у памеры ад 15 да 76 рублёў.