За суткі ў Беларусі на пажарах загінула 7 чалавек

За мінулыя суткі ў Беларусі на пажарах загінулі 7 чалавек. Як паведамляе прэс-служба МНС, усяго па краіне адбылося 33 пажары, пераважна ў кватэрах і вясковых дамах.

Познім вечарам 23 лютага загарэўся двухкватэрны жылы дом у Асіповічах па вуліцы Чумакова. У агні загінула жанчына, асобу якой высвятляюць. Супрацоўнікі МНС выратавалі гаспадара дома, мужчыну 1956 года нараджэння, які атруціўся прадуктамі гарэння і быў у непрытомнасці.

У другой палове дня суботы гарэў дом у Віцебску ў прыватным сектары па вуліцы 10-й Свярдлова. На месцы здарэння знайшлі труп гаспадара, мужчыны 1956 года нараджэння. Мяркуецца, што прычынай узгарання стала неасцярожнасць пры курэнні.

У Мінскай вобласці пажары з гібеллю людзей адбыліся ў Лагойскім, Клецкім і Уздзенскім раёнах. Таксама адзін чалавек загінуў у Мінску на тэрыторыі Ленінскага раёна.