Як выхаванцы ДУА "Яслі-сад №13 г. Смаргоні" праводзілі зіму і сустрэлі вясну

Источник материала:

Сімваламі гэтага свята лічацца сонца, бліны і пудзіла Масленіцы. Усе дзеці ведаюць пра Масленіцу, пра бліны, якія трэба есці і пра пудзіла, якое трэба спальваць. Але ведаць гэта адно, а ўбачыць, а яшчэ лепш паўдзельнічаць у гэтым зусім іншая справа.

Ва ўстанове дашкольнай адукацыі "Яслі-сад №13 г. Смаргоні" святкаванне Масленіцы даўно ўжо стала добрай традыцыяй. Вясёлае свята не пакінула нікога абыякавым. Конкурсы, вершы, карагоды і песні прыцягвалі ўвагу не толькі дзяцей, але і мінакоў, якія спыняючыся, з цікавасцю назіралі за тым, што адбываецца. Не толькі дзеці прымалі актыўны ўдзел у свяце, але і дарослыя, якія таксама пускаліся ў скокі, пераняўшы агульную атмасферу свята і весялосці. З захапленнем хлопцы праганялі Зімачка-зіму і з радасцю сустракалі прыгажуню вясну.

Традыцыйна свята скончылася паяданнем смачных і духмяных бліноў, якія з любоўю падрыхтавалі бацькі.

Бліны - гэта сімвал Масленіцы, сонца - такія ж гарачыя, румяныя і залацістыя!

Дзіцячыя вочы выказвалі захапленне.

Т. М. Васілеўская, намеснік загадчыка па асноўнай дзейнасці.

Фота аўтара.