Каля прыватнага дома ў Гродне знайшлі парэшткі мужчыны

28 красавіка каля 22-й гадзіны праваахоўнікам паведамілі, што на прыватным падворку ў Гродне выяўленыя парэшткі чалавека, закапаныя ў зямлю.

Следчыя з экспертамі агледзелі месца здарэння, пасля чаго пачалі крымінальную справу па факце забойства, інфармуе прэс-служба Следчага камітэта. 

Паводле папярэдняй інфармацыі, загінулы — гродзенец 1973 года нараджэння.

Як падкрэсліваюць праваахоўнікі, на тэрыторыі падворка перыядычна збіраюцца грамадзяне, якія вядуць асацыяльны лад жыцця і злоўжываюць спіртным.

Па падазрэнні ў забойстве затрыманыя тры чалавекі — 57, 48 і 41 гадоў. З імі праводзяцца следчыя дзеянні. Расследаванне працягваецца.