Блогер NEXTA: МНС Беларусі ледзь не страціла свой самы вялікі верталёт Мі-26Т. 21.by


Блогер NEXTA: МНС Беларусі ледзь не страціла свой самы вялікі верталёт Мі-26Т

17.05.2019 22:34 — Разное |  
Размер текста:
A
A
A

Источник материала:

Блогер NEXTA: МНС Беларусі ледзь не страціла свой самы вялікі верталёт Мі-26Т
Момант пераносу грузу на верталёце

17 траўня Міністэрства па надзвычайных сітуацыях ледзь не страціла верталёт Мі-26Т. Пра гэта паведаміў у сваім Telegram-канале блогер NEXTA. 

Па яго словах, верталёт пераносіў часткі ўтылізаваных старых самалётаў Ту-154 на 407-ы авіярамонтны завод, які нядаўна пераехаў на тэрыторыю Нацыянальнага аэрапорта Мінск.

Пры пераносе стабілізатара (хваставога апярэння) пачаўся моцны вецер. Ён стаў разгойдваць стабілізатар, так што той пагражаў сутыкненнем з верталётам. Экіпаж адчапіў груз, які зваліўся на зямлю. 

Гэтую інфармацыю пацвердзіў у сацсетках і афіцыйны прадстаўнік МНС Віталь Навіцкі: "Пры вытворчасці работ па пераносе частак фюзеляжа самалёта Ту-154 з тэрыторыі Нацыянальнага аэрапорта Мінск з-за моцнага разгойдвання грузу экіпаж верталёта Мі-26 ацаніў абстаноўку і ажыццявіў яго скідванне па-за населеным пунктам. Экіпаж дзейнічаў у строгай адпаведнасці з кіраўніцтвам па лётнай эксплуатацыі і інструкцыямі. Пацярпелых і разбурэнняў няма. Часткі фюзеляжаў самалётаў выкарыстоўваюцца ў якасці трэнажораў для падрыхтоўкі розных спецыялістаў".

 
 
Чтобы разместить новость на сайте или в блоге скопируйте код:
На вашем ресурсе это будет выглядеть так
Момант пераносу грузу на верталёце 17 траўня Міністэрства па надзвычайных сітуацыях ледзь не страціла верталёт Мі-26Т. Пра гэта паведаміў у сваім Telegram-канале...
 
 
 


Архив (Разное)