Брэндавы "Шляхецкі фэст" адбыўся ў Жамыслаўлі

…У гэтым годзе спаўняецца 142 гады з тае пары, калі графіня Юзэфа Умястоўская канчаткова завяршыла ўзвядзення свайго радавога гнязда — палаца ў Жамыслаўлі, аднаго з чатырох падобных збудаванняў архітэктара Даменіка  Мерліні. Зараз гэта — помнік сядзібна - паркавай архітэктуры ХVIII – XIX cтагоддзяў. Ён лічыцца адным з самых прыгожых радавых маёнткаў, з’яўляецца паменшанай копіяй палаца з варшаўскага сядзібна-паркавага комплексу Лазенкі, рэзідэнцыі польскага караля  Станіслава Аўгуста Панятоўскага ў Варшаве. Яшчэ два такія ж палацы архітэктара Дамініка Мерліні знаходзяцца ў Рыме і Вільнюсе.

Апошні ўладар аддаў маёнтак пад навуковую базу з прыродазнаўчай і сельскагаспадарчай спецыялізацыяй Віленскага універсітэта.У часы Першай Сусветнай вайны тут размяшчаўся нямецкі ваенный санаторый. Пасля Вялікай Айчыннай вайны – праўленне калгаса, клуб, бібліятэка. З 2006 года будынак пуставаў,валачыў марны лёс. Яго спрабавалі прадаць пад рэстаўрацыю, каб зберагчы для нашчадкаў гэтае месца. Ды штосьці ўсё перашкаджала добрым намерам. Здавалася, што палац чакае свайго сапраўднага гаспадара. І, дзякаваць Богу, ён знаўшоўся.

Сёлетні шляхецкі фэст (адно з брэндавых свят раёна)  сёння пачаўся а 17-й гадзіне. І яшчэ доўжыцца. І, патрэбна сказаць, праходзіць з зусім іншым навстроем – таму што наўкол ідуць рамонтныя і рэстаўрацыйныя работы на грунтоўнай сур’ёзнай аснове, як і бывае, калі  вяртаюць да жыцця гісторыка-культурую каштоўнасць.

Патрэбна сказаць, што шляхецкі фэст у парку ля жэмыслаўскіх “лазенак” – адно з мерапрыемстваў гісторыка-культурнай тэматыкі, якая апошнім часам заняла годнае месца ў планах работы устаноў культуры.

Падрабязны рэпартаж са свята чытайце на нашым сайце 19 мая   і ў бліжэйшым нумары нашай газеты.

В. ГУЛІДАВА.

Фота С. ЗЯНКЕВІЧА.