«Беларусь нарадзілася ўва мне!» Расеец пераехаў ў Менск і піша цікавыя факты пра жыццё беларусаў

Источник материала:

Нашыя калегі з The Village Беларусь звярнулі ўвагу на займальны Twitter-акаунт. Яго вядзе расеец, які пераехаў у Мінск і зараз распавядае, як жывуць беларусы. Хлопец піша пра тое, што беларусы гавораць на «чыстай» расейскай мове з акцэнтам, чаму наша краіна нагадвае Нямеччыну і як замежнікам пасябраваць з мiнчукамi. KYKY сабраў найбольш паказальныя твіты аўтара.

Не таму я беларус, што нарадзіўся ў Беларусі, а таму што Беларусь нарадзілася ўва мне.

— Serg1us (@amatarmou) 1 июля 2018 г.

Дарэчы у Беларусі нават у расейскай мове слова 'царква' ўжываецца толькі ў дачыненні да праваслаўнай царквы, а для каталіцкага храма вы заўсёды карыстаецеся словам 'касцёл'. У Расіі таксама ёсць слова 'касцёл', але яго ўжыванне вельмі абмежавана.

— Serg1us (@amatarmou) 4 июня 2019 г.

Мае беларускія знаёмыя: Гэта дом Чыжа.
Я: Ваў! Які вялікі!
Знаёмыя: Пачварны, так?
Знаёмыя: Гэта Нацыянальная Бібліятэка.
Я: Мм, якая ілюмінацыя.
Знаёмыя: Пачварная, так?
Знаёмыя: А гэта Чырвоны Касцёл.
Я: Пачакайце, гэта таксама для вас пачварна? о_О

— Serg1us (@amatarmou) 4 июня 2019 г.

Беларусы вельмі ветлівыя, але мне было вельмі складана знайсці сяброў (мо таму, што я інтраверт?). Першы раз мяне запрасілі ў госці на другім годзе майго жыцця ў Мінску. І гэта быў мой стары знаёмы з Казахстана, які таксама пераехаў у Мінск.

— Serg1us (@amatarmou) 4 июня 2019 г.

Перад вандроўкамі ў іншыя краіны я заўсёды імкнуся вывучыць некалькі слоў на мове краіны. Гэты раз не быў выключэннем. Памятаю, што ў першы дзень у Мінску я павітаў па-беларуску прадавачку ў краме, але яна неяк дзіўна на мяне паглядзела, нібыта вар'ята ўбачыла.

— Serg1us (@amatarmou) 4 июня 2019 г.

Чысціня на вуліцах беларускіх гарадоў - гэта ўжо легенда. Але вы б ведалі як для расейца гэта незвычайна.

— Serg1us (@amatarmou) 4 июня 2019 г.

У Беларусі я навучыўся заплюшчваць вочы на рысы характару чалавека, якія мне не падабаюцца. Напрыклад, я не люблю тое, што некаторыя мае калегі кажуць пра беларускую мову, але я шаную іх як спецыялістаў.

— Serg1us (@amatarmou) 4 июня 2019 г.

Мінск - зялёны горад. Тут вольна дыхаецца.

— Serg1us (@amatarmou) 4 июня 2019 г.

Тут я адчуваю сябе вольным. Я не магу паўплываць на палітыку не таму, што я слабы, а таму што я не маю права, бо я замежнік.

— Serg1us (@amatarmou) 4 июня 2019 г.

Пачну з таго, што да першай паездкі ў Беларусь я ведаў толькі тое, што Minsk is the capital of Belarus, а таксама пра тое, што ў Беларусі прэзідэнт нейкі Лукашэнка.

— Serg1us (@amatarmou) 4 июня 2019 г.

Беларусы шмат працуюць і вучацца. У Благавешчэнску і Екацярынбургу мае студэнты адмянялі заняткі ў снежні і студзені, бо хацелі адпачываць. Тут вучацца нават 31 снежня і 3 студзеня.

— Serg1us (@amatarmou) 4 июня 2019 г.

У Беларусі user-friendly святлафоры - яны міргаюць не таму, што 'тобі піпец праз секунду', а таму што ў вас яшчэ ёсць шанец уратаваць сваё жыццё.

— Serg1us (@amatarmou) 4 июня 2019 г.

Нават тыя беларусы, якія лічаць, што размаўляюць на чыстай рускай мове, маюць моцны беларускі акцэнт і карыстаюцца словамі, якія не заўсёды зразумеюць расейцы.

— Serg1us (@amatarmou) 4 июня 2019 г.

Негледзячы на тое, што амаль усе беларусы лічылі мяне вар'ятам за тое, што я пераехаў з самой Расіі ў стабільную Беларусь, ніхто мяне не ўспрымаў як замежніка. І гэта пры тым, што я сябе ім адчуваў.

— Serg1us (@amatarmou) 4 июня 2019 г.

У Беларусі ўсе лічаць у доларах. Спачатку я не мог зразумець, колькі гэта. Расейскі рубель мне здаваўся адзінай лагічнай валютай. Ведаеце, калі ў Расіі эканамічны капец, расейцы думаюць: 'Зноў долар расце'. Калі гэта здараецца ў Беларусі, беларусы думаюць: 'Зноў рубель падае'.

— Serg1us (@amatarmou) 4 июня 2019 г.

Дарэчы беларусы любяць скардзіцца на тое, што віза Шэнген для беларусаў каштуе больш чым для расейцаў. Але праўда ў тым, што большасць людзей у Расіі ніколі гэтай візай не карыстаецца, бо дорага і далёка. Я нават Маскву ўпершыню ўбачыў, калі мне было 19 год.

— Serg1us (@amatarmou) 4 июня 2019 г.

Я ўсё яшчэ не разумею, што такое ЕРІП, як ім карыстацца, і чаму я павінен плаціць камісію.

— Serg1us (@amatarmou) 4 июня 2019 г.

Талерантнасць - яшчэ адзін міф. Калі беларус цябе яшчэ не трэснуў, то гэта толькі таму, што не хоча ў турму.

— Serg1us (@amatarmou) 4 июня 2019 г.

Кажуць, што галоўны прынцып сапраўднага беларуса - гэта абыякавасць да жыцця і агульная млявасць. Я не згодны. На маю думку, беларусы цікавяцца жыццём, але робяць гэта ў таемнасці.

— Serg1us (@amatarmou) 4 июня 2019 г.

Я не бачыў, каб беларусы кідалі смецце на дварэ, асабліва там, дзе жывуць.

— Serg1us (@amatarmou) 4 июня 2019 г.