Нованароджаную дзяўчынку падкінулі ў дзіцячую клініку ў Гомелі

15 ліпеня ў 13.55 медыкі дзіцячай абласной клінікі ў Гомелі звярнуліся ў аператыўна-дзяжурную службу УУС Гомельскага аблвыканкама. Яны паведамілі, што ў прыбіральні ў ракавіне знайшлі нованароджаную дзяўчынку, інфармуе МУС у сваім афіцыйным Telegram-канале. 

Прыбіральня агульнага карыстання размяшчаецца ў холе будынка. 

Побач з ракавінай стаяў пакет з дзіцячымі рэчамі. Мяркуецца, што дзяўчынка нарадзілася 5 дзён таму, яе стан ацэньваецца як стабільны. 

Супрацоўнікі крымінальнага вышуку шукаюць маму дзіцяці. Тых, хто валодае інфармацыяй на гэты конт, просяць паведаміць у міліцыю па тэлефоне 102.