Асіповічы: коратка аб розным
16.08.2019
—
Разное
|
705 жыхарак раёна прайшлі сёлета ў райпаліклініцы мамаграфічнае абследаванне, у іх ліку 457 жанчын ва ўзросце 50-69 гадоў у рамках скрынінгу раку малочнай залозы. Выяўлена 7 выпадкаў гэтага анкалагічнага захворвання. Самы шматлікі за апошняе дзесяцігоддзе 1 клас Вяззеўскай СШ будзе сфарміраваны сёлета: бацькамі заўтрашніх школьнікаў ужо пададзена 18 заяў. Эфектыўна працуе лінія нарэзкі і ўпакоўкі сыру ў філіяле “Асіповіцкі” ААТ “Бабушкина крынка”: за студзень-ліпень праз яе прайшло 200 тон сыроў, якія ўпакаваны фіксаванай і нефіксаванай вагой. Новае абсталяванне было ўстаноўлена летась. Добраўпарадкаванне грамадскіх могілак — актуальная справа ў апошні час на тэрыторыі Лапіцкага сельсавета. Так, у ліпені зроблена і пафарбавана агароджа на пагосце ў Малой Граве працягам больш за 330 пагонных метраў, а ў жніўні прамысловымі альпіністамі спілавана 18 аварыйных дрэў на могілках у Лапічах, Пагарэлым, Жукаўцы і Жорнаўцы. 72 гектары збожжа знаходзіцца ў прыватных падсобных гаспадарках раёна. Найбольшыя плошчы — 26 га — на тэрыторыі Дрычынскага сельсавета. У бліжэйшы час сельгаспрадпрыемствамі будзе аказана дапамога вяскоўцам у абмалоце ўчасткаў. 227 землякоў атрымалі за студзень-ліпень безнаяўную жыллёвую субсідыю для частковай аплаты жыллёва-камунальных паслуг: 220 чалавек па выяўным прынцыпе на суму 6896 руб. 60 кап., 7 грамадзян — на падставе заяў (351 руб. 11 кап.). Чтобы разместить новость на сайте или в блоге скопируйте код:
На вашем ресурсе это будет выглядеть так
705 жыхарак раёна прайшлі сёлета ў райпаліклініцы мамаграфічнае абследаванне, у іх ліку 457 жанчын ва ўзросце 50-69 гадоў у рамках скрынінгу раку малочнай залозы....
|
|