Шефскую помощь в виде новой спортивной формы, сена и зерна получили Слободская, Обольская и Кордонская школы

КУСГП “Сіроцінскі” зрабіў Слабадской школе добры падарунак: да новага навучальнага года набыта 13 камплектаў футбольнай формы для дзяўчынак на агульную суму 540 рублёў. Шумілінская каманда (трэнер Уладзімір Кучко) выйграла абласны турнір па футболе “Скураны мяч”  і зараз трэніруецца, каб абараняць гонар раёна і вобласці на рэспубліканскіх спаборніцтвах, якія будуць ладзіцца ў Мінску. Няхай юныя шумілінскія футбалісткі прывязуць са сталіцы перамогу!

Своеасаблівы падарунак сваім падшэфным школам – Обальскай і Кардонскай – робіць перад новым навучальным годам КУСГП “Ульскі”. Обальскай СШ для вядзення падсобнай гаспадаркі прывезлі салому і сена, а таксама выпісалі тры тоны зерня. Кардонская школа атрымае паўтары тоны зерня – на грошы, выручаныя з яго продажы, мяркуюць купіць спартыўны інвентар.

Лідзія РУМЯНЦАВА.

Надрукавана ў №68 ад 30.08.2019 г.