Дажджы вяртаюцца, месцамі — туманы

У бліжэйшыя дні сіноптыкі абяцаюць на тэрыторыі Нясвіж-скага раёна лагоднае надвор’е, без спякоты, з дажджамі, а месцамі і туманамі.

Сёння, 3 верасня, на працягу дня спецыялісты абяцаюць дажджы, месцамі магчымыя навальніцы. Раніцай ёсць верагоднасць туману і пагаршэння бачнасці на дарозе. Будзьце пільнымі! Вецер — паўночны — 6 — 8 метраў за секунду, парывы — да 13. Удзень — +13…+15 °С, ноччу — +10…+12 °С.

У сераду, 4 верасня, у асноўным чакаецца малавоблачнае надвор’е, ра-ніцай захаваецца магчымасць туману.  Паўночна-заходні вецер складзе 3 — 5 м/с. Удзень —  18…21 градус са знакам “+”. Ноччу — 9…11 цяпла.

Чацвер абяцае быць бязвоблачным і цёплым: удзень — 18…21 градус вышэй за нуль. Вецер — паўднёвы, не больш за 4 м/с. Ноччу — +11…+12.

У пятніцу, у другой палове дня, магчымы невялікі дождж, надвор’е на працягу дня — воблачнае з праясненнямі. Вецер пераменных напрамкаў, неістотны. Удзень — да +19 °С, уначы — +11…+12 °С.

Пра надвор’е на  выхадныя чытайце ў наступным нумары газеты.

“НН”.