Складскiя запасы на прадпрыемствах у лiпенi скарацiлiся на Br405 млрд

Источник материала:

Аб гэтым паведамiў журналiстам падчас наведвання ААТ "Свiтанак" прэм'ер-мiнiстр Беларусi Сяргей Сiдорскi.

"Чэрвень-лiпень гэтага года паказаў, што ўсю прадукцыю, якая вырабляецца ў Беларусi, мы прадаём унутры краiны i за яе межамi, разгружаем склады, — сказаў Сяргей Сiдорскi. — Так, на складах яшчэ застаюцца Br6,9 трлн, але мы шукаем механiзмы i кiраўнiцкiя рашэннi, якiя далi б магчымасць рэалiзаваць нашым прадпрыемствам гэту прадукцыю ў такi нялёгкi час на знешнiх рынках".

Што датычыцца разгрузкi прадукцыi машынабудавання i станкабудавання, у тым лiку рэалiзацыi яе на расiйскiм рынку, ён нагадаў: "На працягу 4 апошнiх месяцаў мы вядзём актыўныя перагаворы з Ашчадным банкам Расii, вясной падпiсалi з iм пагадненне аб тым, што ён будзе крэдытаваць беларускiх вытворцаў. Гэта магутны праект, якi ва ўмовах крызiсу дасць штуршок развiццю гандлёва-эканамiчных адносiнаў дзвюх краiн у рамках Саюзнай дзяржавы". Урад прыняў рашэнне аб тым, што на ўсё, што прадаецца за межы краiны i iдзе на адлегласцi больш за 1 тыс. км, дзейнiчаюць папраўкi, за кошт якiх нашым вытворцам аказваецца падтрымка на транспартныя расходы".