Сувязі з паслом у Мінску прывялі да адстаўкі міністра замежных спраў Ізраіля

Сувязі з паслом у Мінску прывялі да адстаўкі міністра замежных спраў Ізраіля

Кіраўнік МЗС Ізраіля Авігдор Ліберман паведаміў сёння, што сыходзіць у адстаўку дзеля таго, каб засяродзіцца на сваёй абароне ў судзе. Ліберман таксама падаў у Кнэсэт (парламент) запыт аб зьняцці з яго статусу дэпутацкай недатыкальнасьці, каб яго справа магла быць як найхутчэй разгледжаная.

У чацвер генеральны пракурор Ягуда Вайнштэйн абвясціў, што пракуратура вырашыла закрыць асноўную справу супраць Лібермана адносна магчымага адмывання грошай, расследаванне якой цягнулася больш як 10 гадоў. У суд будзе перададзенае толькі абвінавачанне супраць Лібермана за злоўжыванне грамадскім даверам. Следзтва падазрае, што Ліберман, стаўшы міністрам замежных спраў, аказваў былому ізраільскаму паслу ў Беларусі Зэеву Бэн-Ар'е пратэкцыю нібыта ў якасьці падзякі за тое, што той у свой час з уласнай ініцыятывы даваў яму закрытую інфармацыю. Пры гэтым пракуратура абвінавачвае кіраўніка МЗС у тым, што ён не паведаміў адпаведным органам пра гэтыя дзеянні Бэн-Ар’е. Ліберман, які ўзначальвае таксама партыю "Наш дом – Ізраіль", выказаў надзею, што судовы працэс скончыцца да парламэнцкіх выбараў, прызначаных на 22 студзеня 2013 года.

Главу МИД Израиля обвиняют в злоупотреблении доверием >>>

Бывший посол Израиля в Беларуси осужден на четыре месяца общественных работ >>>