Надвор'е падвяло, а людзі – не

Источник материала:

Які камбайнер ці вадзіцель на жніве не жадае стаць тысячнікам? 

Запаветны паказчык дасягаюць і перасягаюць працавітыя, настойлівыя, адказныя. У гарачы ўборачны час з’яўленне на рахунку хлебароба чатырохзначнай лічбы – падзея знакавая. Таму кожнага асабіста віншуе ў полі кіраўніцтва раёна.

Фёдар Ефіменка, КСУП «Судкова»

Фёдар Канапелька, КСУП «Судкова»

На здымках – рэкардсмены жніва! У гэты нялёгкі год насуперак усім прыродным капрызам яны не падводзяць, своечасова і хутка дастаўляюць хлеб у засекі. Майстры перавозак – Сяргей Аўдзеенка і Аляксандр Ходас з эксбазы «Стралічава», Уладзімір Бандарэнка і Міхаіл Анісенка з КСУП «Веляцін».

Уладзімір Бандарэнка, КСУП «Веляцін»

Міхаіл Анісенка, КСУП «Веляцін»

Быць сярод перадавікоў для гэтых мужчын – справа знаёмая, яны штогод у ліку лепшых.
Тысячнікаў ушанавалі – уручылі падарункі першы намеснік старшыні райвыканкама Жанна Яўгеньеўна Бажок, кіраўнікі і спецыялісты гаспадарак, прафсаюзы. Цёплыя словы, пажаданні і наказы – і вадзіцелі зноў на маршруце: на палетках чакаюць камбайны.

Сяргей Аўдзеенка, эксбаза «Стралічава»

Аляксандр Ходас, эксбаза «Стралічава»

Да слова, Хойнікшчына – лідар у вобласці па тэмпах – убрана больш за 70% плошчаў. Сёння ў раёне павінен з’явіцца першы экіпаж-тысячнік, яго таксама чакаюць прыемныя сюрпрызы.

Тэкст і фота Наталлі ЧЭКАН.