Спякота на сенажаці. Працэс нарыхтоўкі кармоў у ААТ «Ельня-Агра». 21.by

Спякота на сенажаці. Працэс нарыхтоўкі кармоў у ААТ «Ельня-Агра»

Размер текста:
A
A
A

Источник материала:

Спякота на сенажаці. Працэс нарыхтоўкі кармоў у ААТ «Ельня-Агра»На вуліцы спякотны чэрвень, слупок тэрмометра дасягае адзнакі ў +30 градусаў. З-за адсутнасці вільгаці сохне зямля, а з ёй і расліны. Існуе рэальная рызыка страты ўраджаю. Гэта пытанне вельмі хвалюе кіраўніка нашай дзяржавы. У сувязі з гэтым Аляксандр Лукашэнка дэталёва абмеркаваў стан спраў у аграрнай галіне з намеснікам прэм’ер-міністра Уладзімірам Дворнікам і міністрам сельскай гаспадаркі і харчавання Анатолем Хацько. Прэзідэнта цікавіла сітуацыя ў сельгасвытворчасці і меры, якія прымаюцца, каб захаваць ураджай.

Нягледзячы на складаныя абставіны, якія на цяперашні момант маюцца ў аграрным сектары, яго работнікі працуюць старанна і на станоўчы вынік. Такога ж прынцыпу прытрымліваюцца і ў ААТ “Ельня-Агра”. Тут не глядзяць на капрызы надвор’я, а працуюць наперакор цяжкасцям. Па стане на 20 чэрвеня ў гаспадарцы нарыхтавалі 6,7 цэнтнераў кармавых адзінак на ўмоўную галаву жывёлы. Гэта крыху менш, чым за адпаведны перыяд мінулага года.

— Сёння (19 чэрвеня) плануем закончыць закладку чацвёртай сянажнай траншэі, — паведаміў нам дырэктар сельгаспрадпрыемства Міхаіл Якімовіч. — Нарыхтавалі гэтага корму крыху больш за 3000 тон. Сена маем 281 тону. На двары спёка, засуха, але працэс нарыхтоўкі кармоў ідзе планамерна.

Калі мы наведалі гаспадарку, сянаж закладалі на МТФ “Юзэфова”, а правяленую масу сюды прывозілі з сенажацяў, якія знаходзяцца за вёскай Красоўшчына. Адлегласць не малая, затраты на транспарціроўку таксама вялікія. Тым не менш, выбару няма, бо травастой сёлета ва ўсіх гаспадарках вельмі слабы, таму і займаюцца яго нарыхтоўкай нават з самых аддаленых палёў.

Кіпіць работа на сенажаці. Імкліва, адзін змяняючы другога, пад’язджаюць пад загрузку правяленай масай да КЗР-10 вадзіцелі і механізатары. Не марнуючы часу, адвозяць зялёнку ў сянажныя траншэі. Праца ў мясцовых аграрыяў спорыцца.

Сяргей РАЙЧОНАК.Спякота на сенажаці. Працэс нарыхтоўкі кармоў у ААТ «Ельня-Агра» Спякота на сенажаці. Працэс нарыхтоўкі кармоў у ААТ «Ельня-Агра» Спякота на сенажаці. Працэс нарыхтоўкі кармоў у ААТ «Ельня-Агра» Спякота на сенажаці. Працэс нарыхтоўкі кармоў у ААТ «Ельня-Агра» Спякота на сенажаці. Працэс нарыхтоўкі кармоў у ААТ «Ельня-Агра» Спякота на сенажаці. Працэс нарыхтоўкі кармоў у ААТ «Ельня-Агра» Спякота на сенажаці. Працэс нарыхтоўкі кармоў у ААТ «Ельня-Агра» Спякота на сенажаці. Працэс нарыхтоўкі кармоў у ААТ «Ельня-Агра»

Comments are closed.

 
 


Архив (Сельское хозяйство)