Халаднавата, а ў нядзелю яшчэ i дажджы

Источник материала:

Паведамiла рэдакцыi галоўны сiноптык Рэспублiканскага гiдраметцэнтра Вольга Фядотава.

У пятнiцу i суботу ў зоне павышанага цiску на тэрыторыi краiны дажджоў не прадбачыцца, толькi ўначы i ранiцай амаль паўсюдна ў нiзiнах чакаецца туман. Тэмпература паветра ў пятнiцу 18—24, на захадзе Брэсцкай i Гродзенскай абласцей да 26 градусаў. У суботу ўначы пахаладае: тэмпература паветра складзе ўсяго 5—12 градусаў цяпла, удзень — 18—26. Ужо ў нядзелю да нас завiтае чарговы атмасферны фронт. Уначы 7—14, удзень 18—25 градусаў. У першыя днi наступнага тыдня захаваецца ўмерана цёплае надвор'е. Уначы 9—15, удзень 18—25.