Жыхары Смаленску гандлююць абломкамі самалёта Качынскага?

12.05.2010 — Новости Общества |

Размер текста:: A; A; A

Источник материала:

Паводле паведамленьня польскіх СМІ, жыхары Смаленску разгарнулі актыўны гандаль абломкамі Ту-154 прэзыдэнта Польшчы Леха Качынскага і фрагмэнтамі рэчаў ахвяр.

Пад выглядам нібыта знойдзеных на месцы катастрофы рэчаў палякам, якія прыяжджаюць на месца катастрофы самалёта, прадаюць кавалкі старога адзеньня і рэшткі іншых самалётаў, якіх шмат на аэрадроме ў Смаленску.

Аднак палякі вераць, што ім прадаюць сапраўдныя знаходкі, бо расейская міліцыя не ахоўвае месца падзеньня прэзыдэнцкага самалёта і кожны можа знаходзіцца на гэтай тэрыторыі.

Паводле рэсурсу “Смоленские новости”, пра ўсё гэта расказаў міністар юстыцыі Польшчы Кшыштаф Квяткоўскі. Па яго словах, расейцы не ахоўвалі месца падзеньня прэзыдэнцкага самалёта, “каб не нарвацца на крытыку пра нібыта нядопуск палякаў на месца катастрофы”.