Пасяджэнне сумеснай калегіі мінабароны Беларусі і Расіі зноў перанесена

Источник материала:

Другі раз сёлета перанесена пасяджэнне сумеснай калегіі міністэрстваў абароны Беларусі і Расіі. Яно павінна было адбыцца ў Мінску 25 мая.

«Паводле двухбаковай дамоўленасці тэрмін правядзення пасяджэння сумеснай калегіі перанесены. Гэта выклікана выключна рабочымі момантамі. Такім чынам, удасца абмеркаваць больш шырокі спектр пытанняў ваеннага супрацоўніцтва», — сказаў начальнік прэс‑службы Міністэрства абароны Беларусі Вячаслаў Раменчык.

Раней планавалася, шо сустрэча кіруючага саставу ўзброеных сіл дзвюх дзяржаў адбудзецца 21 красавіка, аднак яна была нечакана перанесена на больш позні тэрмін.

БелаПАН