ВР заплаціць 20 мільярдаў

Источник материала:

Невядомая жанчына спыніла выступленне ў кангрэсе ЗША кіраўніка брытанскай кампаніі Brіtіsh Petroleum Тоні Хэйуорда.

Жанчына спыніла Хэйуорда выкрыкамі ў той момант, калі ён пачаў сваё выступленне, прысвечанае аварыі на нафтавай платформе ў Мексіканскім заліве. Пры гэтым на руках і шчоках невядомай былі плямы рэчыва, падобнага на нафту. Супрацоўнікі службы бяспекі кангрэса вывелі жанчыну з залы. Тоні Хэйуорд быў запрошаны на слуханні ў Камітэт Палаты прадстаўнікоў па энергетыцы і камерцыі для таго, каб даць тлумачэнні з нагоды акалічнасцяў выбуху на нафтаздабывальнай платформе, у выніку якога загінула 11 нафтавікоў і пачаўся беспрэцэдэнтны па маштабах разліў нафты па акваторыі Мексіканскага заліва. Як стала вядома камітэту, кіраўнікі ВР эканомілі на бяспецы вытворчых работ. Тым часам прэзідэнт ЗША Барак Абама пацвердзіў, што кампанія BP выплаціць 20 мільярдаў долараў на кампенсацыі людзям і кампаніям, што пацярпелі ад уцечкі нафты ў Мексіканскім заліве.