Былая журналістка «Народнай волі», «DW» і ЕРБ жыве ў прытулку для бамжоў

Источник материала:

Варшаўская штодзёнка «Życie Warszawy» напісала пра палітычную ўцякачку з Беларусі Вольгу Класкоўскую (дачка Аляксандра Класкоўскага), былую журналістку «Народнай Волі», «Нямецкай Хвалі» і «Еўрапейскага радыё для Беларусі».

Пару год таму пра справу Класкоўскай пісалі беларускія інтэрнэт-рэсурсы. Пасля «Санта Барбары» ў Варшаве Вольга з’ехала ў Францыю, а адтуль у Швецыю. Нягледзячы на статус палітуцекача, які Класкоўская атрымала ў Польшчы, яна звярнулася за прытулкам і ў Швецыі. Шведы ёй адмовілі. Яна вярнулася ў Варшаву, спачатку жыла ў знаёмых, а потым на вакзале. З вакзалу паліцыя забрала Класкоўскую ў прытулак для бамжоў.

Класкоўская ганіць на чым свет стаіць польскую дзяржаву, якая нават кубак малака ёй не дала. Масла і хлеб яна была вымушаная пазычаць у суседзяў.

«Я чакала 10 дзён, каб атрымаць талоны на харчаванне. За гэты час можна было памерці ад голаду» —

кажа Воля. Класкоўская паскардзілася на старонках польскай прэсы, што ніхто ёй не дапамагаў знайсці працу і кватэру.

Па словах Вольгі, на яе скаргі чыноўнікі адказваюць: «Калі не падабаецца, то вяртайцеся ў Беларусь». Напрыканцы Класкоўская з жалем прызналася, што ёй бадай лепш было б у беларускай турме, чым ў выгнанні ў Варшаве.