Затрымалі яшчэ двух анархістаў

Источник материала:

30 верасня міліцыянты затрымалі грамадскага актывіста Барыса Ашчэпкава. Як паведамляе сайт Indymedia Belarus, да хлопца ў кватэру ўварваліся, выламаўшы дзверы. Барыс дапамагаў бацькам і сябрам арыштаваных актывістаў падтрымліваць сувязь з праваабаронцамі.

Барыса затрымалі на трое сутак па справе пра леташнюю акцыю 19 верасня каля Генштаба. Тады анархісты правялі хэпенінг супраць беларуска-расійскіх вайсковых вучэнняў.

Акрамя Ашчэпкава, затрыманы таксама Дзяніс Быстрык. Падрабязнасці яго затрымання пакуль невядомыя.

Пасля 6-дзённага затрымання выпушчаны на волю пад падпіску пра невыязд Ігар Трухановіч. Ніякага абвінавачвання яму не выставілі. Нагадаем, што арышты сацыяльных актывістаў пачаліся пасля нападу невядомых на расійскую амбасаду 30 жніўня.