Пачэсны юбілей. У суботу Мінскі архікатэдральны касцёл імя Найсвяцейшай Дзевы Марыі адзначыць сваё 300-годдзе

Источник материала:

Сёння падыходзіць да канца так званая навенна — дзевяць асобых малітоўных дзён, якія папярэднічалі юбілею адной з галоўных каталіцкіх святынь краіны. На свята ўчора ўначы ў сталіцу прыехаў спецыяльны пасланнік Папы Рымскага Юзаф Томка, які адмовіўся ад прапанаванага яму перакладчыка і заявіў, што будзе чытаць малітвы на беларускай мове. — У суботу ў храме будзе праходзіць урачыстая служба, — распавядае плябан архікатэдральнага сабора імя Найсвяцейшай Дзевы Марыі Антоній Клімантовіч.

— Папскі пасланнік прачытае некалькі малітваў на лацінскай мове, але самыя вядомыя і блізкія вернікам тэксты ён агучыць на беларускай. У храме будзе ўсталявана мемарыяльная дошка, на якой запісаны імёны ўсіх святароў, якія служылі ў храме з 1945 года. Чакаецца, што мерапрыемства наведаюць таксама іерархі Украіны, Літвы і Польшчы. Урачыстая служба ў касцёле пачнецца 9 кастрычніка ў 12.00.