ХРОНІКА АПОШНІХ ПАДЗЕЙ

Источник материала:

Беларусь — адна з найменш карумпаваных у СНД

Расія заняла 154-е месца з 178 магчымых у індэксе ўзроўню карупцыі краін свету, падрыхтаваным Trаnsраrеnсу Іntеrnаtіоnаl. У 2010 годзе Расіі было выстаўлена 2,1 бала з магчымых дзесяці. Годам раней Расія займала ў рэйтынгу Trаnsраrеnсу Іntеrnаtіоnаl 146-е месца.

Расія ў рэйтынгу 2010 года дзеліць сваё 154 месца з такімі краінамі, як Папуа-Новая Гвінея, Таджыкістан, Конга і Гвінея-Бісаў. З краін СНД у спісе гэтага года лідзіруюць Казахстан і Малдова, якія займаюць 105-е месца. Абагналі Расію ў спісе таксама Арменія (123-е месца), Беларусь (127-е месца), Украіна і Азербайджан (дзеляць 134-е месца).

Найвышэйшы бал у рэйтынгу Trаnsраrеnсу Іntеrnаtіоnаl атрымалі Данія, Новая Зеландыя і Сінгапур — 9,3 бала. Апошняе месца ў рэйтынгу заняла Самалі. Ёй было прысвоена 1,1 бала.

У акіянарыуме Аберхаузэна памёр знакаміты васьміног-вяшчун Паўль

У аўторак раніцай у акіянарыуме Sеа lіfе нямецкага горада Аберхаўзэна памёр знакаміты на ўвесь свет васьміног-вяшчун па мянушцы Паўль. Падчас нядаўняга чэмпіянату свету па футболе ў ПАР ён правільна адгадаў усе вынікі зборнай Германіі, а таксама правільна назваў чэмпіёна і бронзавага прызёра сусветнага першынства.

У акіянарыуме абяцаюць, што праз некаторы час у іх з'явіцца новы Паўль, перадае "Савецкі спорт".

Супрацоўнікі Sеа Lіfе плануюць арганізаваць своеасаблівы мемарыял у гонар знакамітага васьмінога-вешчуна. На вялікім экране яны маюць намер паказваць самыя прыгожыя і хвалюючыя моманты яго жыцця, а таксама выставіць на ўсеагульны агляд урну з прахам Паўля і памятныя падарункі з усяго свету.

Асобіны віду Осtорus vulgаrіs жывуць самае большае тры гады, і па людскіх мерках Паўль быў ужо дзядулем. Пасля ЧМ-2010 ён быў акружаны ласкай і клопатам, забяспечаны ўсім неабходным. Нягледзячы на сусветную славу, Паўль быў даволі сціплы: ён здавольваўся сайдай і дзвюма мідыямі ў дзень.

ЗША ператвораць Гуам у плацдарм для барацьбы з Кітаем?

ЗША плануюць пашырыць сваю ваенную прысутнасць на Гуаме — найбуйнейшым стратэгічным ваенным аб'екце Вашынгтона ў Ціхім акіяне. Як пісала 26 кастрычніка Thе Tеlеgrарh, планы ЗША звязаныя з умацаваннем пазіцый Кітая на моры.

У прыватнасці, ЗША збіраюцца пабудаваць на востраве док, здольны прымаць атамныя авіяносцы тыпу "Німіц". Акрамя таго, запланавана абсталяванне Гуама найноўшымі сістэмамі супрацьракетнай абароны і пашырэнне авіябазы "Андэрсан", размешчанай на паўночны ўсход ад астраўнога мястэчка Юга.

Паводле папярэдніх ацэнак, запланаваныя работы абыдуцца амерыканскаму бюджэту ў 12 мільярдаў долараў. Сума, выдаткаваная на ўмацаванне Гуама, стане рэкорднай для ціхаакіянскага рэгіёна з часоў Другой сусветнай вайны і найбуйнейшым ваенна-марскім праектам за апошнія дзесяць гадоў.