Аляксандр Лукашэнка: "У Беларусі будуць стварацца зручныя ўмовы работы рэзідэнтаў СЭЗ"

Источник материала:

Аб гэтым заявіў кіраўнік дзяржавы Аляксандр Лукашэнка ўчора па выніках наведвання СЭЗ "Мінск", перадае карэспандэнт БЕЛТА.

Паводле слоў кіраўніка дзяржавы, яркім прыкладам эфектыўнага імпартазамяшчэння з'яўляецца дзейнасць беларуска-шведскага сумеснага прадпрыемства "Бако Бісаў", якое з'яўляецца рэзідэнтам СЭЗ "Мінск". Яно зарэгістравана ў снежні 2006 года, заснавальнікамі з'яўляюцца шведская кампанія "Бако Бісаў Свенска Эй Бі" (98 працэнтаў) і беларускае ЗП "Бако інструменты" (2 працэнты).

Сумеснае прадпрыемства рэалізуе на тэрыторыі свабоднай эканамічнай зоны "Мінск" інвестыцыйны праект "Будаўніцтва завода па вытворчасці біметалічных стужачных піл".

СП "Бако Бісаў" мае ўнікальную тэхналогію і абсталяванне для вытворчасці біметалічных стужачных піл, аналагаў якім няма ў краінах СНД. Дзякуючы высокай якасці, вырабляемая прадукцыя мае пастаянны попыт, яе выкарыстоўваюць у 130 краінах свету. Гэта экспартаарыентаванае СП з'яўляецца высокатэхналагічным і інавацыйным.

Аляксандр Лукашэнка высока ацаніў дзейнасць СП "Бако Бісаў" свабоднай эканамічнай зоны "Мінск".

"З улікам таго, што ў Беларусі праводзяцца вялікія аб'ёмы лесанарыхтовак, неабходна падумаць аб вытворчасці бензапіл у краіне", — сказаў Прэзідэнт. Цяпер на беларускім рынку прысутнічаюць толькі імпартныя бензапілы, у прыватнасці, японскай, шведскай, германскай вытворчасці.

"І такіх тавараў, якія мы ў вялікіх аб'ёмах купляем за мяжой, нямала", — адзначыў Аляксандр Лукашэнка. На яго думку, у Беларусі неабходна ствараць больш імпартазамяшчальных вытворчасцяў.

Беларусь, Венесуэла i Азербайджан у блiжэйшы час створаць лагiстычную кампанiю па перавалцы грузаў, заявiў Прэзiдэнт Беларусi. "У блiжэйшы час мы створым такую кампанiю па перавалцы нафты i iншых грузаў".

Аляксандр Лукашэнка наведаў прадпрыемства "АлюмiнТэхна", якое працуе ў свабоднай эканамiчнай зоне "Мiнск". Прадпрыемства актыўна супрацоўнiчае з Венесуэлай i мае планы па развiцці там вытворчасцi. Заснавальнiкам прадпрыемства з'яўляецца кiпрская кампанiя. СТАА "АлюмiнТэхна" рэалiзуе на тэрыторыi СЭЗ "Мiнск" iнвестыцыйны праект па вытворчасцi прасаваных алюмiнiевых профiляў. У Беларусi няма прадпрыемстваў, якiя вырабляюць такую прадукцыю.

Аляксандр Лукашэнка пабываў i на прадпрыемстве "Алютэх Інкарпарэйтэд", заснавальнiкам якога таксама з'яўляецца кiпрская кампанiя.

Кiраўнiку дзяржавы была прадстаўлена выстаўка прадукцыi, якую вырабляюць i на iншых прадпрыемствах-рэзiдэнтах СЭЗ "Мiнск". У прыватнасцi, кампанii "Асамедыка", якая з'яўляецца першым вытворцам ультрагукавых апаратаў у Беларусi, а таксама выпускае iншае медыцынскае абсталяванне.

У Беларусі будуць стварацца зручныя ўмовы работы рэзідэнтаў свабодных эканамічных зон. "Мы не павінны стрымліваць рэгістрацыю суб'ектаў гаспадарання свабодных эканамічных зон. СЭЗ не толькі быць, але і развівацца", — падкрэсліў кіраўнік дзяржавы.

Як далажыў Прэзідэнту віцэ-прэм'ер Андрэй Кабякоў, свабодныя эканамічныя зоны пачалі стварацца ў Беларусі з 1996 года, у 2002-м яны ўжо існавалі ў кожнай вобласці краіны. Кіраўнік дзяржавы нагадаў, што пры стварэнні СЭЗ у Беларусі арыентаваліся на вопыт у гэтай сферы Кітая.

Андрэй Кабякоў расказаў, што ў сувязі са стварэннем Мытнага саюза Беларусі, Расіі і Казахстана існавала нявызначанасць па далейшай рабоце суб'ектаў гаспадарання СЭЗ. Аднак у выніку перагавораў з партнёрамі была дасягнута дамоўленасць да 1 студзеня 2017 года захаваць дзейнасць свабодных эканамічных зон, гарантаваўшы ім у гэты перыяд ранейшыя ўмовы работы.

Прэзідэнт асабліва акцэнтаваў увагу на тым, што і пасля 2017 года неабходна знайсці магчымасць стварэння выгадных умоў работы ў Беларусі. "2017 год яшчэ далёка, можа, мы зможам замясціць іншымі падатковымі льготамі тыя мытныя прэферэнцыі, якія адыдуць у 2017 годзе, гэта значыць аб'ём страт мы можам кампенсаваць", — сказаў кіраўнік дзяржавы.

"Можа скласціся сітуацыя, што ўся Беларусь стане свабоднай эканамічнай зонай па ўмовах вядзення бізнэсу", — адзначыў Аляксандр Лукашэнка.

Прэзідэнт цікавіўся, ці правільна ў свой час было прынята рашэнне аб стварэнні ў кожнай вобласці і Мінску свабодных эканамічных зон. Андрэй Кабякоў пацвердзіў, што гэта было правільнае рашэнне. Колькасць кампаній — рэзідэнтаў СЭЗ кожны год расце. Цяпер існуе праблема недахопу свабодных тэрыторый для новых кампаній-рэзідэнтаў. Аляксандр Лукашэнка падкрэсліў, што пытанняў з тэрыторыяй у будучым быць не павінна. У той жа час ён папярэдзіў, што падыходзіць да гэтага пытання неабходна па-гаспадарску, не закранаючы землі, прыдатныя для сельскай гаспадаркі.

"Я доўга вагаўся: патрэбны, не патрэбны нам свабодныя эканамічныя зоны. Але гэта як узор, і да гэтага прыкладу мы павінны прывесці ўсе прадпрыемствы ў краіне", — сказаў кіраўнік дзяржавы.

Беларусь мае вялікі патэнцыял развіцця лагістычнай сферы. Такую думку выказаў прадстаўнік іранскай кампаніі "Кейсан" Сіямак Махінрад, расказваючы Прэзідэнту Беларусі аб будаўніцтве лагістычнага цэнтра "Прылессе" ў СЭЗ "Мінск".

Лагістычны цэнтр "Прылессе" праектаваны на ўчастку плошчай каля 100 га на перасячэнні аўтамабільных дарог Берлін—Масква і Мінск—Магілёў. Комплекс будуецца паблізу Мінскай кальцавой дарогі і Нацыянальнага аэрапорта Мінск-2.

Канцэпцыя стварэння гэтага цэнтра распрацоўвалася сумесна з вядучымі германскімі спецыялістамі для аказання поўнага спектра лагістычных паслуг.

Аляксандр Лукашэнка пазітыўна ацаніў стварэнне гэтага важнага для краіны цэнтра і прапанаваў іранскай кампаніі будаваць у Беларусі і іншыя лагістычныя цэнтры.