Да алтара — у шэсць гадоў

Источник материала:

У адной з пачатковых школ Нідэрландаў практыкуецца вельмі нестандартная методыка навучання, у рамках якой дзяцей праз гульню вучаць ключавым жыццёвым падзеям.

Адна з такіх падзей — традыцыя жаніцьбы і шлюб, як сацыяльны інстытут, — і была днямі вывучана дзецьмі ў займальнай гульнявой форме. Вяселле шасцігадовых Маціаса ван дэр Ліндэна і Марлен Кок адбылося ў мясцовай мэрыі. Нявеста была апранута ў белую шлюбную сукенку з 8-метровым вэлюмам, жаніх — у гарнітур і чорны цыліндр. Уся цырымонія шлюбу была абсалютна рэальнай, за выключэннем клятвы: "Я бяру цябе ў свае законныя сябры". Маладыя нават абмяняліся пярсцёнкамі. Завяршылася імпрэза традыцыйным разразаннем торта, а таксама — распіваннем ліманаду.