Больш за 60 адсоткаў расіян адмоўна ацанілі работу Дзярждумы

Источник материала:

Больш за 60 % расіян незадаволены працай Дзярждумы. Такія вынікі апытання "Левада-цэнтра". Пры гэтым працу парламента цяперашняга склікання негатыўна ацаніла 58 % рэспандэнтаў.

Паводле слоў 45 % рэспандэнтаў, яны цікавяцца дзейнасцю Дзярждумы, у той час як 41 % расіян праца дэпутатаў не цікавіць. Разам з тым толькі 6 % апытаных заявілі, што добра ўяўляюць, чым дэпутаты займаліся на працягу свайго тэрміна. Палова расіян "няясна ўяўляе" працу парламентарыяў, а 41 % апытаных не ведае пра дзейнасць дэпутатаў наогул нічога. Паводле звестак сацыёлагаў, расіяне лічаць, што цяпер чыноўнікі ў Расіі маюць прывілеяў больш, чым у СССР. Так думае 71 % рэспандэнтаў. 63 % апытаных упэўнены, што дзеянні дзяржслужачых цяпер кантралююцца слабей, чым пры Савецкім Саюзе, а больш за палову расіян лічаць, што людзі ва ўладзе "заклапочаны толькі сваім матэрыяльным дабрабытам".