АБЗАЦ

Источник материала:

Гаспадаркі Беларусі пераадолелі сямімільённы рубеж па намалоце збожжа. На раніцу 17 жніўня ўсяго гаспадаркі намалацілі 7 млн 101,8 тыс. тон збожжа пры сярэдняй ураджайнасці 34,9 ц/га. У Брэсцкай вобласці сабралі 1 млн 9,1 тыс. тон збожжа, Віцебскай — 1 млн 110,3 тыс. тон, Гомельскай — 816,4 тыс. тон, Гродзенскай — 1 млн 333,5 тыс. тон, Мінскай — 1 млн 796,5 тыс. тон, Магілёўскай — 1 млн 36 тыс. тон. Харчовага збожжа дзяржаве прададзена 836,5 тыс.тон, што складае 81,6 працэнта дзяржзаказу.

У Беларусі натуральны прырост насельніцтва за першае паўгоддзе гэтага года зафіксаваны ў 39 са 112 гарадоў (35 працэнтаў), у 17 з 93 пасёлкаў гарадскога тыпу (18 працэнтаў). У студзені—чэрвені гэтага года колькасць народжаных кампенсавала колькасць памерлых у 2 гарадах і 3 пасёлках гарадскога тыпу. Натуральны прырост сельскага насельніцтва адзначаўся толькі ў Мінскім раёне (264 чалавекі).

Адзенне з джынсавай тканіны не адпавядае дзелавому стылю, рэкамендаванаму для школьнікаў. Пра гэта паведаміла начальнік упраўлення адукацыі камітэта па адукацыі Мінгарвыканкама Зоя Хахлова на прэс-канферэнцыі ў мэрыі, прысвечанай пытанням падрыхтоўкі школ да новага вучэбнага года.

  ПОЎНЫ АБЗАЦ     Васьмігадовы лебедзь-шыпун па мянушцы Швані, які жыве ва ўладальніка гасцініцы ў нямецкай адміністрацыйнай акрузе Мюнстэр, нарэшце кінуў спробы дамагчыся ўзаемнасці ад трактара свайго гаспадара. Разлюбіць сельскагаспадарчую машыну Швані дапамаглі ўкол вітамінаў і гуска, якая нядаўна пасялілася пры гатэлі.