Заяву падаць можна. 21.by

Заяву падаць можна

18.08.2011 — Новости Общества |  
Размер текста:
A
A
A

Источник материала:

Кватэрнае пытанне

Я стаю ў чарзе на паляпшэнне жыллёвых умоў толькі па месцы працы. Але наша арганізацыя цяпер у складаным фінансавым становішчы і не можа аказаць дапамогу ў будаўніцтве жылля. Ці магу я атрымаць субсідыю на будаўніцтва кватэры ў выканкаме па месцы жыхарства?

В. Белы, г. Орша.

У адпаведнасці з пунктам 5 Палажэння аб выдзяленні грамадзянам Рэспублікі Беларусь аднаразовых субсідый на будаўніцтва (рэканструкцыю) або набыццё жылых памяшканняў (зацверджана пастановай Савета Міністраў Рэспублікі Беларусь ад 30 красавіка 2002 г. № 555) грамадзяне, якія знаходзяцца на ўліку асоб з патрэбай у паляпшэнні жыллёвых умоў толькі па месцы працы, маюць права падаць заяву на атрыманне субсідыі ў мясцовы выканаўчы і распарадчы орган, на тэрыторыі якога знаходзіцца арганізацыя, якая паставіла іх на ўлік, пры адсутнасці магчымасці атрымаць субсідыю па месцы працы. Разам з тым, гэта правіла не распаўсюджваецца на работнікаў, пастаўленых на ўлік па льготных падставах згодна з калектыўным дагаворам (напрыклад, пры забяспечанасці агульнай плошчай жылля ў памеры больш як 15 кв. метраў на аднаго члена сям'і).

Субсідыі выдзяляюцца названым грамадзянам у парадку, прадугледжаным для тых, хто знаходзіцца на ўліку ў мясцовым выканаўчым і распарадчым органе, зыходзячы з часу прыняцця іх на ўлік асоб з патрэбай у паляпшэнні жыллёвых умоў у арганізацыі.

Грамадзянам, якія маюць у адпаведнасці з заканадаўчымі актамі права на пазачарговае атрыманне жылых памяшканняў сацыяльнага карыстання, субсідыі выдзяляюцца ў парадку чарговасці, вызначанай для адпаведных катэгорый грамадзян, зыходзячы з часу прыняцця іх на ўлік асоб з патрэбай у паляпшэнні жыллёвых умоў.

Прыём і ўлік заяў грамадзян на атрыманне субсідыі ажыццяўляюцца службамі субсідзіравання мясцовых выканаўчых і распарадчых органаў і арганізацый. Заявы павінны быць разгледжаны імі ў месячны тэрмін.

Віктар САВІЦКІ.

 
 
Чтобы разместить новость на сайте или в блоге скопируйте код:
На вашем ресурсе это будет выглядеть так
Я стаю ў чарзе на паляпшэнне жыллёвых умоў толькі па месцы працы. Але наша арганізацыя цяпер у складаным фінансавым становішчы і не можа аказаць дапамогу ў...
 
 
 

РЕКЛАМА

Архив (Новости Общества)

РЕКЛАМА


Яндекс.Метрика