ХРОНІКА АПОШНІХ ПАДЗЕЙ

Источник материала:

У Бразіліі сутыкнуліся 300 машын

Амаль 300 аўтамабіляў трапілі ў аварыю на аўтатрасе каля бразільскага мегаполіса Сан-Паўлу.

Вадзіцель грузавіка, які перавозіў хімікаты, не справіўся з кіраваннем і вылецеў на сустрэчную паласу, сутыкнуўшыся з некалькімі легкавымі аўто. Вадзіцель грузавіка загінуў, двое пацярпелых знаходзяцца ў цяжкім стане, каля 50 вадзіцеляў і пасажыраў атрымалі раненні. З-за моцнага туману і складанага рэльефу мясцовасці колькасць ахвяр ДТЗ у хуткім часе значна ўзрасла. Каля 220 аўтамабіляў атрымалі моцныя пашкоджанні, яшчэ 80 — нязначныя. Гэта самае маштабнае ДТЗ у Бразіліі за апошнія 30 гадоў.

У Анапе абстралялі гатэль

Прыватны гатэль быў атакаваны ў Анапе пасля таго, як яго гаспадар Сяргей Дзмітрыеў пасварыўся з двума курортнікамі.

Праз некаторы час маладыя людзі вярнуліся з падмогай. Да варот гасцініцы пад'ехала кампанія з 15 чалавек, узброеных бітамі, траўматычнымі пісталетамі і карабінам "Сайга". Нападнікі зламалі вароты і ўварваліся ўнутр гатэля, дзе жылі ў тым ліку і пастаяльцы з дзецьмі. Аднак Дзмітрыеў і яго сын таксама былі ўзброеныя — яны мелі траўматычныя пісталеты. Выклікаўшы паліцыю і "хуткую дапамогу", яны пачалі адстрэльвацца. У выніку трое злачынцаў атрымалі раненні, прычым адзін з іх трапіў у бальніцу ў цяжкім стане. З адпачывальнікаў, якія знаходзіліся ў гасцініцы, ніхто не пацярпеў. Траўмаваныя хуліганы былі затрыманы паліцыяй, 12 удзельнікаў нападзення абвешчаныя ў вышук.

Іспанія ўводзіць новы падатак на багацце

Іспанія ў якасці часовай меры барацьбы з пазыковым крызісам уводзіць новы падатак на багацце.

Пад падаткаабкладанне патрапіць каля 160 тысяч чалавек, чый прыбытак складае каля 1,08 мільярда еўра ў год. Падатак на багацце будзе дзейнічаць у 2011-2012 гадах і прынясе дзяржаве дадатковы прыбытак у 2012 і 2013 гадах. Іспанія чакае дзяржаўнага дэфіцыту ў 6% ВУП у гэтым годзе — значна меншага ў параўнанні з леташнімі 9,2%. Урад краіны паведаміў, што новы падатак на багацце закране толькі тых, чые прыбыткі сапраўды высокія, у той час як у мінулым яго плацілі і прадстаўнікі сярэдняга класа. Папярэдні падатак на багацце быў уведзены ў 2007 годзе. Гэтая мера дапамагла дзяржаве атрымаць у казну 2,1 мільярда еўра.

Галандка за год патэлефанавала каханаму 65 тысяч разоў

Надзвычайную настойлівасць выявіла 42-гадовая жыхарка Нідэрландаў, патэлефанаваўшы 62-гадоваму мужчыну 65 тысяч разоў за апошні год. Такім чынам, кожны дзень яна набірала нумар свайго выбранніка ў сярэднім па 178 разоў.

Акрамя таго, распавёў паліцыі стомлены галандзец, жанчына завальвала яго SMS і электроннымі паведамленнямі. Як сцвярджае жанчына, якая паўстала перад судом па абвінавачванні ў пераследзе, гэта яе спадарожнік жыцця. Але мужчына гэта адмаўляе. Паліцэйскія абшукалі дом жанчыны ў Ратэрдаме і канфіскавалі некалькі мабільных тэлефонаў і камп'ютараў. На папярэднім слуханні суддзя адпусціў жанчыну пры ўмове, што яна пакіне мужчыну ў спакоі. Але ўсяго праз дзве гадзіны яна зноў набрала запаветны нумар і была змешчаная пад арышт.

Яблыкі назвалі ўніверсальнай абаронай ад інсультаў

Усяго адзін яблык, дабаўлены ў штодзённы рацыён, здольны змяніць чалавечае жыццё, сцвярджаюць дыетолагі. Так, спецыялісты паведамляюць, што яблыкі зніжаюць рызыку інсульту з-за высокай канцэнтрацыі ў іх злучэння пад назвай кверцэтын.

Даследаванні галандскага Універсітэта Вагенінген, у якім прынялі ўдзел 20000 чалавек, паказалі: кверцэтын здымае запаленне, якое прыводзіць да зацвярдзення артэрый і можа стаць прычынай сардэчна-сасудзістых хваробаў. Такім чынам, паводле эксперыменту, людзі, якія спажывалі больш садавіны і гародніны з белай мякаццю, у наступныя дзесяць гадоў радзей пакутавалі ад інсультаў. Каментуе кіраўнік даследаванняў Лінда Удзе Грып: "Прымаючы да ўвагі, што сярэдні яблык важыць 100-125 грамаў, ён здольны знізіць рызыку інсульту на 36-45%". Паміж тым, даследчыкі раяць не грэбаваць гароднінай і садавіной іншага колеру — яны таксама могуць абараніць ад сур'ёзных праблем са здароўем. Напрыклад, рацыён, багаты ярка-аранжавай, чырвонай або сіняй садавіной і ягадамі, спыняе і паварочвае назад працэс паніжэння мазгавой актыўнасці.