Паўтыдня "бабінага лета"

Источник материала:

Пасля невялікага пахаладання на гэтым тыдні на тэрыторыю Беларусі зноў паступаюць цёплыя паветраныя масы з паўднёвых шырот, паведаміла рэдакцыі спецыяліст Рэспубліканскага гідраметцэнтра Мінпрыроды Вольга Фядотава.

У аўторак у Беларусі без ападкаў, толькі на паўночным захадзе краіны невялікія дажджы, магчымы нават навальніцы. Тэмпература ўдзень ад 18 на поўначы да 25 цяпла на поўдні краіны. У сераду і чацвер уначы 6—13, удзень цудоўнае сонечнае надвор'е і 18—25 градусаў. А вось у пятніцу пахаладае, чакаюцца дажджы. Уначы 6—13, удзень ужо толькі 14—20 градусаў. У суботу стане яшчэ халадней. Уначы 3—10 цяпла, на тарфяніках Палесся магчымы замаразкі да 0 — мінус 3 градусаў, удзень — 13—20 градусаў.

Сяргей КУРКАЧ.