ХРОНІКА АПОШНІХ ПАДЗЕЙ

Источник материала:

Большасць амерыканцаў хоча выбіраць прэзідэнта прамым галасаваннем

Больш за палову амерыканцаў хацелі б увядзення ў сваёй краіне прамых прэзідэнцкіх выбараў. Апошняе апытанне Gаlluр Іnс. сведчыць, што ідэя адмовіцца ад калегіі выбаршчыкаў, якая цяпер абірае кіраўніка дзяржавы, упершыню за 11 гадоў стала блізкая і рэспубліканцам.

Большасць амерыканцаў выступаюць за адмену інстытута выбаршчыкаў, якія цяпер выбіраюць прэзідэнта ЗША, і пераход да прамых выбараў кіраўніка дзяржавы, сведчаць вынікі апытання Gаlluр Іnс., сабраныя на пачатку кастрычніка. За змену ч. 1 ст. 2 Канстытуцыі, якая ўстанаўлівае ў ЗША непрамыя выбары прэзідэнта, выказаліся 62% амерыканцаў. Толькі 35% амерыканцаў падтрымліваюць цяперашнюю сістэму выбараў прэзідэнта, калі кіраўніка дзяржавы выбірае калегія. Сістэма непрамых выбараў прэзідэнта ЗША была сфарміравана ў канцы ХVІІІ стагоддзя. Яна стала кампрамісам паміж прыхільнікамі і праціўнікамі моцнай прэзідэнцкай улады.

У ААН склалі карту вымірання чалавецтва

Навукоўцы ААН склалі карту вымірання чалавецтва, паводле якой Расія ўвайшла ў дзясятку краін, якія вымруць раней за ўсіх. Паводле прагнозаў, гэта адбудзецца ў 2888 годзе — а значыць, ужо праз 800 гадоў. Украіне, для параўнання, гэта пагражае на 400 гадоў пазней. ЗША — у самай далёкай перспектыве — у статысячных гадах.

Ёсць, паводле меркавання навукоўцаў, краіны, якія не вымруць наогул. Гэта ўся Афрыка, Блізкі Усход (за выключэннем Ірана), краіны Сярэдняй Азіі і Закаўказзя, Афганістан, Пакістан, Індыя, Манголія, Інданэзія, Філіпіны, а таксама большасць краін Лацінскай Амерыкі, акрамя Бразіліі і Чылі. ААН рэгулярна праводзіць падобныя даследаванні, афармляючы іх у выглядзе Дэмаграфічных прагнозаў.

У артыкуле тлумачыцца, што прагноз будуецца на аснове так званага чыстага каэфіцыента ўзнаўлення насельніцтва — сярэдняй колькасці дзяўчынак, народжаных за ўсё жыццё сярэдняй жанчынай у той ці іншай краіне, якія дажылі да канца рэпрадуктыўнага перыяду пры пэўных узроўнях нараджальнасці і смяротнасці. Прыкладна ў 120 краін свету гэты каэфіцыент больш за адзінку — гэта значыць, з кожным пакаленнем расце не агульная колькасць насельніцтва, а колькасць менавіта дзяўчынак, і выміранне такой краіне не пагражае. Вялікая частка гэтых краін — гэта краіны, якія развіваюцца, з агульным высокім узроўнем нараджальнасці. Аднак ёсць і цалкам развітыя краіны — Ірландыя, Ізраіль, Новая Зеландыя.

Паводле вынікаў даследавання, 10 краін, якія вымруць раней за ўсіх, наступныя: Макао, Ганконг, Боснія і Герцагавіна, Расія, Мальта, Славакія, Сінгапур, Румынія, Венгрыя, Македонія. 10 краін, якія вымруць пазней за усіх: ЗША, Віргінскія астравы, Сэнт-Люсія, Туніс, Францыя, Паўднёвая Карэя, Азербайджан, Аўстралія, Антыльскія астравы, Нарвегія.

Кадафі пахаваны ў патаемным месцы. Таямнічы выбух на месцы смерці палкоўніка

Пераходная нацыянальная рада Лівіі выканала абяцанне і раніцай у аўторак пахавала Муамара Кадафі ў патаемным месцы, паведамляе спадарожнікавы арабскі тэлеканал Аl Jаzееrа са спасылкай на крыніцу ў новым урадзе. Разам з палкоўнікам пахаваны яго сын Мутасім і былы кіраўнік Мінабароны Лівіі Абу Бакр Юніс. Паводле звестак французскага тэлеканала Frаnсе-24, сведкамі пахавання сталі толькі чацвёра лівійцаў.

У той жа дзень, калі стала вядома пра пахаванне Кадафі, улады паведамілі пра смерць дзясяткаў людзей з-за магутнага выбуху і пажару ў горадзе Сірт — менавіта ў яго наваколлі Кадафі быў захоплены ў палон і забіты. У выніку выбуху загінулі, па розных звестках, ад 50 да 100 чалавек, яшчэ каля 50 пацярпелі.